თუ თქვენი ბიზნესის გასაციფრულებლად პირველი ნაბიჯი გადადგით ან სულაც შეიძლება უკვე წლებია რაც ონლაინ მაღაზიას მართავთ ორივე შემთხვევაში, აუცილებელია იმის ცოდნა, თუ როგორ გამოიყენოთ მარაგების მართვის მეთოდები ეფექტურად თქვენი ბიზნესის წარმატებისთვის.

ონლაინ მაღაზიის მარაგების მენეჯმენტი გულისხმობს არსებული პროდუქციის რაოდენობის აღრიცხვასა და რაოდენობების მონიტორინგს, რაც ციფრულ რეჟიმში გამარტივებულად ხდება.

B2CGE გთავაზობთ ონლაინ მაღაზიის მარაგების მართვის რამდენიმე მეთოდს, ესენია:

მარაგების მანუალური მართვა გულისხმობს “ხელით” ოპერირების შესაძლებლობას. თქვენ შეგიძლიათ სათითაოდ გააქტიუროთ პროდუქტს რაოდენობების კონტროლის რეჟიმი, ამასთან არსებულ პროდუქციას შესაბამისი რაოდენობები მიუთითოთ. აღნიშნული მეთოდი განსაკუთრებით კომფორტულია და ხელსაყრელია ონლაინ მაღაზიებისთვის, რომლებიც მცირე რაოდენობის პროდუქტს ყიდიან ან იღებენ შეკვეთებს.

Excel ერთ-ერთი საუკეთესო გამოსავალია ონლაინ მაღაზიაში დიდ რაოდენობით პროდუქციის მარაგების სამართავად. გარდა რაოდენობისა, მეწარმეს ფასების ერთიანად შეცვლისა და ფასდაკლებების მართვის საშუალება ეძლევა. აგრეთვე ამ მეთოდით სარგებლობის შემთხვევაში სხვა მახასიათებლებსა თუ კომპონენტებშიც შეგიძლიათ ცვლილებების შეტანა.

API - აპლიკაციის პროგრამირების ინტერფეისი - რეალურ დროში სასაწყობე ნაშთების ბუღალტრულ აღრიცხვასთან სინქრონიზებას მოიაზრებს.

API-ს მეშვეობით სააღრიცხვო პროგრამასთან ინტეგრირება ორი სისტემის ერთმანეთთან დაკავშირების საშუალებას იძლევა და ამავდროულად მონაცემთა სწრაფად და უსაფრთხოდ მიმოცვლას უზრუნველყოფს. ონლაინ მაღაზია რეალურ დროში, ბუღალტრული პროგრამისგან პროდუქტების რაოდენობების და ფასების შესახებ იღებს ინფორმაციას. მოცემული მეთოდის უპირატესობა იმაში მდგომარეობს, რომ მარტივად, სწრაფად მიმდინარეობს გაყიდვებისა და შეკვეთებთან დაკავშირებული მონაცემთა გაცვლა. ეს მეთოდი პრაქტიკულია იმ კომპანიებისთვისაც, რომლებიც უკვე სარგებლობენ ბუღალტრული პროგრამით/სერვისით და ონლაინ მაღაზიასთან ერთად რამდენიმე ფიზიკურ ობიექტს ფლობენ.

მნიშვნელოვანია გვესმოდეს თუ რამდენად საყურადღებოა მარაგების მართვა თქვენი ბიზნესთვის. აუცილებელია მომხმარებლებისთვის პროდუქტის შესახებ ზუსტი და ამომწურავი ინფორმაციის მიწოდება, რადგან წინააღმდეგ შემთხვევაში ნებისმიერი ტიპის უზუსტობა იწვევს მყიდველთა გაღიზიანებას და შეცდომაში შეყვანას, რაც საბოლოო ჯამში მათ უბიძგებს აღარ შეიძინონ ესა თუ ის ნივთი. სწორედ ამიტომ მარაგების ეფექტური მენეჯმენტი დაგეხმარებათ კლიენტთა მომსახურეობის გაუმჯობესებაში, რაც მთავარია თავს აგარიდებთ სხვადასხვა სახის უხერხულობებს, მათ შორის მომხმარებლის მიერ ისეთი პროდუქტის შეკვეთა/შეძენას, რომლის რაოდენობაც ამოწურულია და შეკვეთის გაუქმების შემთხვევაში კი კლიენტის გაღიზიანებას და უკმაყოფილებას გამოიწვევს. სწორი მიდგომის შერჩევა დაგეხმარებათ ასევე ხარჯების შემცირებასა და ბიზნესის ეფექტურობის ზრდაში.