სრულფასოვანი ონლაინ მაღაზიის ფუნქციონირებისათვის აუცილებელია მომხმარებელს შევუქმნათ მაქსიმალურად მარტივი და სასიამოვნო ციფრული სავაჭრო სივრცე, რომლის კომფორტულობასაც განაპირობებს მრავალფეროვანი გადახდის მეთოდებით სარგებლობის შესაძლებლობა.
ჯერ კიდევ რამდენიმე ათეული წლის წინ, სასურველი პროდუქტის შეძენა მხოლოდ ნაღდი ანგარიშსწორებით შეგვეძლო, ახლა კი ტექნოლოგიების განვითარებასთან ერთად, მრავალმა მომსახურების ფორმამ ციფრულ სივრცეში გადაინაცვლა. დღეს კლიენტებისთვის მყისიერი გადახდის სხვადასხვა მეთოდია ხელმისაწვდომია, მაგალითისთვის როგორიცაა UPI, მობილურით გადახდა, ვირტუალური საფულეები და სხვა, რომელთა დამსახურებითაც მომხმარებლისთვის გამარტივებულია ყიდვის პროცესი.
დღესდღეობით, თითოეული ჩვენგანი რეგულარულად ერთზე მეტ ონლაინ გადახდის მეთოდს იყენებს. სწორედ ესაა მთავარი მიზეზი, რის გამოც თქვენს მიერ შექმნილმა ონლაინ მაღაზიამ ვიზიტორებს გადახდის სისტემების ფართო არჩევანი უნდა შესთავაზოს.
იცით თუ არა, რომ მომხმარებელთა 67% იმედგაცრუებულია და უარს ამბობს პროდუქტის ყიდვაზე თუ მრავალფეროვანი, მათთვის სასურველი გადახდის მეთოდები მიუწვდომელია.
წარმოგიდგენთ მრავალფეროვან გადახდის მეთოდების ჩამონათვალს, რომელსაც B2CGE გთავაზობთ, ესენია: ნაღდი ანგარიშსწორება და ტერმინალით გადახდა, ინვოისით გადახდა, საბარათე და კრიპტო გადახდები და ონლაინ განვადებები.
მომხმარებლები შეკვეთას აფორმებენ ონლაინ, თუმცა ანგარიშსწორებას ახდენენ შეკვეთის მიღებისას ნაღდი ფულით ან ტერმინალზე საბანკო ბარათის გატარებით, აღნიშნული მეთოდი აქტიურად გამოიყენება მომხმარებლის მიერ შეკვეთის ობიექტიდან გატანის დროს.
მომხმარებლის მიერ სასურველი ნივთის შეკვეთის შემდეგ ავტომატურად გენერირდება ელ. ინვოისი, რომლის საფუძველზეც კლიენტი საკუთარი ინტერნეტ ბანკის გამოყენებით რიცხავს შესაბამის თანხას ონლაინ მაღაზიის ანგარიშზე.
შეკვეთის გაფორმების შემდეგ გადახდის აღნიშნული მეთოდის შერჩევისას მომხმარებელი მიუთითებს საკუთარი საბარათე მონაცემებს და შეძლებს ელექტრონულად ანგარიშსწორებას, შეკვეთის თანხა ავტომატურად ჩამოეჭრება ანგარიშიდან.
ონლაინ განვადებით სარგებლობის შემთხვევაში, თუ ეს პროცესი აქამდე ხანგრძლივი და დამღლელი იყო, დღეს მომხმარებელს მხოლოდ რამდენიმე დაწკაპუნებით, სახლიდან გაუსვლელად შეუძლია სასურველი ნივთის განვადებით შეძენა. განვადებით გადახდის შესაძლებლობა გავლენას ახდენს კლიენტებზე და მათ უფრო მეტის შეძენის სტიმულს აძლევს.
მომხმარებელს ახლა უკვე სასურველი ნივთისა თუ პროდუქციის შეძენა კრიპტო ვალუტითაც შეუძლია, მიუხედავად იმისა, რომ ჯერჯერობით აღნიშნული გადახდის მეთოდი ძალიან დიდი პოპულარობით არ სარგებლობს, უახლოეს მომავალში ის უპირობოდ დაიკავებს სათანადო ადგილს ჩვენს ყოველდღიურობაში.
უახლესი სტატისტიკების მიხედვით ონლაინ/უკონტაქტოდ განხორციელებული გადახდები 2023 წლისთვის, მთელი მსოფლიოს მასშტაბით, 2 ტრლნ. აშშ დოლარს გადააჭარბებს.
იმისათვის, რომ პროდუქტის შეძენის ბოლო ეტაპზე ვიზიტორებმა არ გადაიფიქრონ და საბოლოოდ არ გააუქმონ შენაძენი, საჭიროა კომპანიებმა რაც შეიძლება მეტი ალტერნატიული გადახდის მეთოდი შესთავაზონ მათ, რაც განაპირობებს ონლაინ მაღაზიის არსებულ თუ სამომავლო წარმატებას.
სალომე გიორგაძე / B2CGE, 2022-07-05
+995 577 07 10 80
+994 514 410 917