გარდა იმისა, რომ უფრო და უფრო მეტი მომხმარებელი ყიდულობს ონლაინ ნივთებს, მათი სავაჭრო ჩვევები და ბრენდის პრეფერენციები დროსთან ერთად(ან მუდმივად) იცვლება. საყურადღებოა, რომ მომხმარებელთა მზარდ რაოდენობას დამწყები კომპანიებისგან პროდუქციის შეძენის სურვილი აქვს. კლიენტთა ნახევარზე მეტი (57%) ამბობს, რომ ისინი მზად არიან ნივთები სტარტაპერებისგან შეიძინონ , რის მთავარ მიზეზადაც მომხმარებელთა 33%  მეწარმეობის მხარდაჭერის სურვილს, ლიმიტირებული პროდუქტების მიმართ ინტერესსა (33 პროცენტი) და კარგ მომსახურებას ასახელებს (31 პროცენტი).

კვლევის შედეგები გვიჩვენებს, რომ სამიდან ორი18-დან 34 წლამდე ახალგაზრდა მომხმარებლები, (67 პროცენტი) ახლა უფრო მეტ ფულს ხარჯავს ონლაინ, ვიდრე პანდემიამდე (Shopify, 2020). 35-დან 54 წლამდე მომხმარებლებმა ნივთებისა თუ სერვისების ონლაინ შეძენა 57%-ით გაზარდეს, ხოლო 55 წელზე უფროსი ასაკის მომხმარებლების შემთხვევაში ეს მაჩვენებელი მხოლოდ 41%-ს შეადგენს. სამომავლოდ,თქვენ, როგორც ციფრული ბიზნესის მფლობელებმა, თქვენი რესურსები ახალგაზრდა თაობის ყურადღების მისაპყრობად უნდა მიმართოთ, რათა თქვენი გაყიდვების პოტენციალი გაზარდოთ. ამისათვის აუცილებელია სწორი სოც.მედიის მარკეტინგული სტრატეგიის დასახვა. ახალგაზრდა მომხმარებელთა ნახევარზე მეტი, რომლებიც პროდუქციას ბრენდებისგან ყიდულობენ, მათ შესახებ სოციალური მედიის საშუალებით იტყობენ (იგებენ).

თქვენთვის უკვე ცნობილია, რომ ადამიანთა უმრავლესობა სასურველ პროდუქციას(ან ონლაინ ვაჭრობს) ციფრულად ყიდულობს, მაგრამ საინტერესოა რამდენად ხშირად შოპინგობენ ისინი ონლაინ(მიმართავენ ისინი ყიდვის ამგვარ ხერხს) ? ონლაინ მყიდველთა 62 პროცენტი თვეში ერთხელ მაინც (Episerver, 2019) ყიდულობს ნივთებს ვირტუალურად(დისტანციურად), 26 პროცენტი კვირაში ერთხელ, ხოლო 3 პროცენტი დღეში ერთხელ. იმის ფონზე, როდესაც ამდენი ადამიანი რეგულარულად ყიდულობს ან ეძებს პროდუქტებს ინტერნეტით, ხშირად მყიდველები ვერ ყალიბდებიან რისი შეძენა სურთ. ისინი არა მხოლოდ აღიარებენ, რომ ფუჭად ხარჯავენ დროს ძიების პროცესში, არამედ იგივე კვლევა აჩვენებს, რომ მყიდველები წუხდებიან იმ რაოდენობის შემოთავაზებით, რომელსაც  დათვალიერებისას აწყდებიან. ონლაინ მყიდველთა დაახლოებით ნახევარმა (46 პროცენტი) ვერ შეძლო საბოლოოდ ნივთის შეძენა, რადგან ძალიან დიდი არჩევანის წინაშე აღმოჩნდნენ, სწორედ ამიტომ თქვენ მომხმარებელთა გადაწყვეტილების პროცესის გასამარტივებლად საჭიროა სტრატეგიულად გამოიყენოთ სოც.მედიის გაყიდვის არხები და შესთავაზოთ მათთვის რელევანტური ინფორმაცია, სიახლეები და შემოთავაზებები.